Apne sab yaar kam kar rahe

loading...
Apne sab yaar

Apne sab yaar kam kar

Apne sab yaar kaam kar rahe hain,
Aur hum hain ke naam kar rahe hain,

Tegh-baazi ka shauq apni jagah,
Aap to qatl-e-aam kar rahe hain,

Daad-o-tehsen ka yeh shor hai kyun,
Hum to khud se kalam kar rahe hain,

Hum hain masroof-e-intizaam magar,
Jaane kya intizaam kar rahe hain,

Hai woh bechaargi ka haal ke hum,
Har kisi ko salaam kar rahe hain,

Aik qataala chahiye hum ko,
Hum yeh elaan-e-aam kar rahe hain,

Na uthe aah ka dhuan bhi ke woh,
Ku-e-dil main khiram kar rahe hain,

Us ke honton pe rakh ke hont apne,
Bat hi hum tamam kar rahe hain,

Hum ajab hain ke us ke kuchay main,
Be-sabab dhoom-dhaam kar rahe hain

Comments

comments

loading...

Be the first to comment

Leave a Reply