Naya aik rabt paida kionn karein hum

aik rabt

aik rabt

Naya aik rabt paida kionn karein hum
Bicharna ha to jhagra kion karain hum
Khamoshi se ada ho rasm.E.Duri
Koi humgama barpa kyon karain hum
Ye kafi hai k hum dushman nahi hain
Wafa-Dari ka da’awa kyon karain hum
Wafa, ikhlaas, qurbani, mohabbat
Ab inn lafzon ka peecha kyon karain hum
Suna dain ismat.E.Maryam ka qissa?
Par ab iss baab ko waa kyon karain hum
Zulekhaa.E.Azeezaan baat ye hai
Bhala ghaatay ka sauda kyon karain hum
Hamari hee tamanna kyon karo tum
Tumhari hee tamanna kyon karain hum
Kia tha e’had jab lamhon mein hum nay
To saari umar iifa kyon karain hum
Nahi dunya ko jab parwah hamari
To phir dunya ki parwah kyon karain hum
Barehna hain sar.E.Bazaar to kia
Bhala andhon se pardah kyon karain hum
Hain baashinday issi basti k hum bhi
So khud par bhi bharosa kyon karain hum
Pari rehnay do insaanon ki laashain
Zameen ka bojh halka kyon karain hum
Ye basti hai muslamaanon ki basti
Yahan kar.E.Maseeha kyon karain hum

aik rabt,john elia,jaun elia,jon elia,jaun elia poetry,

Comments

comments

Be the first to comment

Leave a Reply